A heartfelt tribute program, recalling memories of Ajitdada Pawar, was held at the Ghansawangi Nagar Panchayat
घनसावंगी, पुढारी वृत्तसेवा :
लोकनेते कै. अजितदादा पवार यांच्या आठवणींना उजाळा देणारा भावपूर्ण श्रद्धांजली कार्यक्रम घनसावंगी नगरपंचायत येथे पार पडला. या कार्यक्रमात राजकीय, सामाजिक, शैक्षणिक, व्यापारी तसेच विविध क्षेत्रांतील मान्यवरांनी मोठ्या संख्येने उपस्थित राहून आपल्या लाडक्या नेत्याला अश्रृंनी निरोप दिला.
कार्यक्रमाच्या प्रारंभी कै. अजित पवार यांच्या प्रतिमेस पुष्पहार अर्पण करण्यात आला. त्यानंतर उपस्थितांनी दोन मिनिटे स्तब्ध उभे राहून आपल्या भावना व्यक्त करत त्यांना श्रद्धांजली वाहिली. यावेळी संपूर्ण परिसर शोकमय वातावरणाने भारावून गेला होता.
वक्त्यांनी आपल्या भाषणांतून अजित पवार यांनी राज्याच्या विकासासाठी घेतलेले धाडसी निर्णय, शेतकऱ्यांच्या प्रश्नांसाठी केलेली संघर्षमय लढाई, युवकांना दिलेली दिशा आणि सर्वसामान्य जनतेसाठी केलेले अपार कार्य भावनिक शब्दांत मांडले. स्पष्ट भूमिका, निर्णयक्षम नेतृत्व आणि सामान्य माणसाशी थेट संवाद साधण्याची त्यांची शैली यामुळेच ते जनतेच्या मनात कायमचे घर करून गेले, अशी भावना व्यक्त केली.
