जालना : बोंधलापुरी शिवारात महिलाचा मृतदेह आढळला

घनसावंगी: पुढारी वृत्तसेवा : तालुक्यातील बोंधलापुरी शिवारात ४० वर्षीय अनोळखी महिलाचा मृतदेह आढळून आल्याने खळबळ उडाली आहे. ही घटना सोमवारी उघडकीस आली. याबाबत घनसावंगी पोलीस ठाण्यात आकस्‍मिक मृत्यूची नोंद करण्यात आली आहे.

याबाबत पोलिसांनी दिलेली माहिती अशी, बोंधलापुरी शिवारातील अंबड ते घनसांवगी जाणाऱ्या रोडवरील पुलाखालील पश्चिम बाजूस ओढ्यात एक अनोळखी महिलेचा मृतदेह असल्याची माहिती गावातील चक्रधर भानुदास धानोरे यांनी पोलिसांना दिली. पोलिसांनी घटनास्थळी दाखल होत मृतदेह शवविच्छेदनासाठी जालना येथील जिल्हा रुग्णालयात पाठवला. तपास पोलीस निरीक्षक पी. के. महाजन करीत आहेत. अद्यापपर्यंत मृतदेहाची ओळख पटलेली नाही.

हेही वाचलंत का ? 

• 5G Spectrum Auction : ५ जी स्पेक्ट्रम लिलाव प्रक्रियेला प्रारंभ; रिलायन्स जियो स्पर्धेत आघाडीवर
• Devendra Fadnavis : मी फिक्स मॅच बघत नाही, लाइव्ह मॅच बघतो; फडणवीसांचा ठाकरेंना टोला
• Tridha Choudhury : 'आश्रम' फेम त्रिधा थिरकली रात्रीच्या अंधारात (Video)