Hingoli medical college CT scan closed | वैद्यकीय महाविद्यालयातील सीटीस्कॅन यंत्रणा बंद

रुग्णांचे हाल, पुरेशा आरोग्य सुविधा मिळत नसल्याच्या तक्रारी
MRI
MRIPudhari
Published on: 
Updated on: 

हिंगोली : पुढारी वृत्तसेवा

शासकीय वैद्यकिय महाविद्यालय म्हणजे नांव मोठे अन लक्षण खोटे असा प्रकार झाला असून या ठिकाणी उपचारासाठी येणाऱ्या रुग्णांना पुरेशा आरोग्य सुविधा मिळत नसल्याच्या तक्रारी आहेत. त्यातच आता सीटीस्कॅन यंत्रणा देखील बंद असल्याने रुग्णांच्या अडचणीत वाढ झाली आहे.

येथील शासकिय रुग्णालयाची इमारत झाल्यानंतर या ठिकाणी उपचारासाठी येणाऱ्या रुगणांची संख्या चांगलीच वाढली आहे. शहरी भागांसोबतच सेनगाव, हिंगोली, कळमनुरी तालुक्यातील रुग्ण या ठिकाणी उपचारासाठी येतात. मात्र या ठिकाणी रुग्णांना पुरेशा प्रमाणात आरोग्य सुविधा मिळत नव्हत्या. अपघातातील किरकोळ जखमींसह इतर किरकोळ आजारी रुग्णांना उपचारासाठी नांदेड येथे पाठविले जात होते. त्यामुळे शासकिय रुग्णालय आहे कशासाठी असा सवाल उपस्थित केला जात होता.

दरम्यान, हिंगोलीत शासकिय वैद्यकिय महाविद्यालय सुरु झाल्यानंतर तज्ञ डॉक्टरांची संख्या वाढून रुग्णांना अत्याधुनिक आरोग्य सेवा मिळेल अशी अपेक्षा व्यक्त केली जात होती. मात्र शासकिय वैद्यकिय महाविद्यालयाला मान्यता मिळाल्यानंतरही आरोग्य सुविधांची गैरसोय कायम आहे. या ठिकाणी किरकोळ अपघातातील जखमी रुग्णांवर प्राथमिक उपचार करून पुढील उपचारासाठी नांदेड येथे पाठविले जात आहे. त्यामुळे वैद्यकिय महाविद्यालयाचाही रेफर रेट शासकिय रुग्णालया प्रमाणेच कायम आहे.

दरम्यान, शासकिय वैद्यकिय महाविद्यालयात असलेली सीटीस्कॅन यंत्रणा मागील दिड महिन्यापासून बंद आहे. सीटीस्कॅन बंद असल्यामुळे रुग्णांचे हाल सुरु असून या रुग्णांना सीटीस्कॅन करण्यासाठी खाजगी दवाखान्यात जावे लागत असल्याचे चित्र आहे. त्यामुळे रुग्णांना आर्थिक भुर्दंड सोसावा लागत आहे. या प्रकारामुळे अत्याधुनिक आरोग्य सेवेची घोषणा फोल ठरल्याचे चित्र दिसू लागले आहे. याप्रकाराबाबत शासकिय वैद्यकिय महाविद्यालय प्रशासन मात्र शासनाकडे बोट दाखवून हातावर हात देऊन बसले आहे. सीटीस्कॅन कधी सुरु होणार याची प्रतिक्षा रुग्णांना लागली आहे.

MRI
Hingoli Court Bomb Threat | हिंगोली जिल्हा व सत्र न्यायालय बॉम्बने उडविण्याची धमकी; परिसरात खळबळ

रुग्णालयातील सीटीस्कॅन यंत्रणा पूर्वी शासकीय रुग्णालयाकडे होती. आता वैद्यकीय महाविद्यालयाकडे हस्तांतरित झाली आहे. शासनस्तरावरूनच काही कराराच्या तांत्रिक बाबी राहिल्या असून पुढील एक महिन्यात सीटीस्कॅन सुरू होईल. मात्र सध्या एमआरआय सुरू असल्याने त्यावरच काम भागत असल्याची प्रतिक्रिया शासकीय वैद्यकीय महाविद्यालयाचे अधिष्ठाता डॉ. चक्रधर मुंगल यांनी दिली.

MRI
Hingoli| रेल्वेत तरुणाला मारहाण, प्रवाशांनी हिंगोली स्थानकावर अडीच तास रोखली रेल्वे

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.