The walls trembled again with a mysterious sound, causing panic among the citizens
धाराशिव, पुढारी वृत्तसेवा शहरासह संपूर्ण जिल्ह्यात बुधवारी (दि. ४) सकाळी दोन वेळा गूढ आणि प्रचंड आवाज झाल्याने नागरिकांमध्ये एकच खळबळ उडाली. सकाळी ९.२३ वाजता आणि त्यानंतर अवघ्या दहा मिनिटांत ९.३३ वाजता हे आवाज ऐकू आले.
या आवाजामुळे अनेक घरांच्या खिडक्या हादरल्या, तर काही ठिकाणी घरातील भांडीही थरथरली. अचानक झालेल्या या घटनेमुळे अनेकांना १९९३ च्या भूकंपाची आठवण झाली. या गूढ आवाजानंतर नागरिकांनी एकमेकांना फोन करून आवाज झाल्याची खात्री केली.
कळंब, भूम, वाशी, धाराशिव आदी तालुक्यांमध्ये या आवाजाची तीव्रता अधिक असल्याचे नागरिकांनी सांगितले. दरम्यान, सोशल मीडियावर पुन्हा एकदा जुन्याच आशयाचे संदेश व्हायरल झाले आहेत.
