गौतम बचुटे
केज : बीड जिल्ह्यातील धनेगाव ता. केज येथील मांजरा प्रकल्प भरला असल्याने मांजरा १५ सप्टेंबर रोजी सायंकाळी ५:३० वाजता चार दरवाजे सव्वा मीटरने तर दोन दरवाजे एक मित्राने उघडले आहेत. या सहा दरवाजातून मोठ्या प्रमाणात पाण्याचा विसर्ग सुरू आहे. तहसीदार राकेश गिड्डे यांनी मांजरा नदी पात्रातील आणि धरण क्षेत्रातील नागरिकांना दक्षतेचा इशारा दिला आहे.
बीड जिल्ह्यातील केज तालुक्यात आणि मांजरा नदी पात्र व पाणलोट क्षेत्रात दि. १४ सप्टेंबर आणि दि. १५ सप्टेंबर रोजी सकाळी पर्यंत जोरदार पडला आहे. त्यामुळे दि. १५ सप्टेंबर रोजी सायंकाळी ५:३० वाजण्याच्या सुमारास धनेगावच्या मांजरा नदीवर असलेल्या मांजरा प्रकल्पाचे सहा वक्र दरवाजे उघडले आहेत. त्या पैकी गेट क्र १, ३, ४, व ६ हे चार दरवाजे १.२५० मीटरने तर दरवाजा क्र. २ आणि ५, हे दोन दरवाजे १.०० मीटरने उघडले असल्याची माहिती मांजरा प्रकल्पाचे अधिकारी यांनी दिली.
या सहा दरवाज्यातून मांजरा नदीपात्रात २१५७०.१७ क्युसेक्स (६१०.८८० क्युमेक्स) एवढा विसर्ग सोडण्यात आला आहे. पाण्याची आवक बघून विसर्ग कमी अथवा जास्त करण्यात येईल. नदी काठच्या जनतेने सतर्क रहावे. असे आवाहन प्रशासन आणि मांजरा प्रकल्प धनेगावचे अभियंता पाटील यांनी केले आहे. तर तहसीलदार राकेश गिड्डे यांनी मांजरा प्रकल्पाला भेट देऊन पाहणी केली आणि मांजरा प्रकल्पातील व मांजरा नदीपात्रातील नागरिकांना दक्षतेचा इशारा दिला आहे.
