Burning of Motegaonkar and Kulkarni's Effigies
बीड, पुढारी वृत्तसेवा : नीट घोटाळ्यातील आरोपी शिवराज मोटेगावकर व पी. व्ही. कुलकर्णी हे २२ लाख विद्यार्थ्यांच्या भविष्याची खेळले आहेत. त्यांच्यावर कठोर कारवाई करावी अशी मागणी करत बीडमध्ये विद्यार्थ्यांनी लक्षवेधी आंदोलन केले. या दोन्ही आरोपींच्या प्रतिमेचे दहन देखील करण्यात आले.
बीड शहरातील शाहुनगर भागात विद्यार्थ्यांनी एकत्रित येत निट घोटाळ्यातील आरोपी मोटेगावकर आणि कुलकर्णी यांच्या निषेधार्थ आंदोलन केले.
यावेळी जोरदार घोषणाबाजी करत पैशासाठी असे कृत्य करणाऱ्या मोटेगावकर आणि कुलकर्णीच्या प्रतिमेसमोर खेळण्यातील नोटा देखील उधळण्यात आल्या. यानंतर या दोघांच्या प्रतिमेचे दहन करत विद्यार्थ्यांनी आपला संताप व्यक्त केला.
