Beed NewsPudhari Photo
बीड
Beed News | मुख्यमंत्री फडणवीसांनी दिलेला शब्द पाळला ; संतोष देशमुख यांचा मुलगा विराज देशमुख सैनिकी शाळेत शिकणार
मुंबई : मसाजोग गावचे सरपंच संतोष देशमुख यांच्या हत्येनंतर त्यांच्या कुटुंबीयांनी मुख्यमंत्री देवेंद्र फडणवीस यांची भेट घेतली होती. या वेळी मुख्यमंत्री फडणवीस यांनी संतोष देशमुख यांचा मुलगा विराज देशमुख यांच्या शिक्षणाची पूर्ण जबाबदारी घेण्याचे आश्वासन दिले होते.
या आश्वासनाची पूर्तता करत, विराज देशमुख याला सांगली जिल्ह्यातील रेठे धरण येथील सैनिकी शाळेत प्रवेश मिळाला आहे. यासंदर्भातील अधिकृत पत्र मुख्यमंत्री निवास 'वर्षा' येथे झालेल्या एका कार्यक्रमात, संतोष देशमुख यांचे भाऊ धनंजय देशमुख यांना सुपूर्द करण्यात आले. विशेष म्हणजे, विराज देशमुख याच्यासह त्याचा चुलत भाऊ सत्यजित देशमुख यानेही याच सैनिकी शाळेत प्रवेश घेतल्याची माहिती समोर आली आहे.
