बीड
बीड : तलावात कपडे धुण्यासाठी गेलेल्या मुलीसह तरुणाचा बुडून मृत्यू
अंबाजोगाई; पुढारी वृत्तसेवा : साठवण तलवामध्ये कपडे धुण्यासाठी गेलेल्या मुलीसह वीस वर्षीय तरुणाचा बुडून मृत्यू झाल्याची घटना घडली. अंबासाखर ते लोखंडी सावरगाव महामार्गावरील साठवण तलावात दररम्यान मृत्यू झाला आहे. या घटनेमुळे तालुक्यात हळहळ व्यक्त केली जात आहे.
अंबाजोगाई तालुक्यातील लोखंडी सावरगाव महामार्गावरील साठवण तलवामध्ये अंबा कारखाना परिसरातील दोन कुटूंब कपडे धुण्यासाठी गेले होते. यावेळी बारा वर्षीय अश्विनी लहू जाधव ही मुलगी बुडू लागल्यामुळे रोहित परमेश्वर चव्हाण (वय २०) या तरूणाने तिला वाचविण्याचा प्रयत्न केला. तिला वाचविण्याच्या नादात रोहित स्वतःही बुडाला. काही तरुणांनी या दोघांनाही वाचविण्याचा प्रयत्न केला, मात्र दोघांचाही बुडून मृत्यू झाला.
दोघांचेही मृतदेह अंबाजोगाईच्या स्वाराती रूग्णालयाच्या शवविच्छेदनासाठी पाठविण्यात आले. उत्तरीय तपासणी झाल्यानंतर मृतदेह नातेवाईकांच्या ताब्यात देण्यात येणार आहेत. या घटनेमुळे तालुक्यामध्ये हळहळ व्यक्त केली जात आहे.
