गेवराई : भरधाव कारची बसला धडक बसून झालेल्या अपघातात कारचालक जखमी झाल्याची घटना समोर आली आहे. ही घटना मंगळवारी (दि. २४) सकाळीच्या सुमारास धुळे–महामार्गावरील गेवराई बायपासजवळ कॅप्टन पंपासमोर घडली. याप्रकरणी कारचालकावर निष्काळजीपणाने वाहन चालविल्याप्रकरणी गुन्हा दाखल करण्यात आला आहे.
रमेश संभाजी ओव्हळ (वय ४६, व्यवसाय एस.टी. ड्रायव्हर, रा. सारणी सांगवी, ता. केज, जि. बीड) हे बस चालवत असताना, समोरून येणाऱ्या (एम.एच. २० इ.एल. ५२७७) क्रमांकाच्या डिझायर कारने भरधाव वेगात येत त्यांच्या बसला धडक दिली. ही घटना सकाळी सुमारे ९.१५ वाजण्याच्या सुमारास घडली. अपघातात कार चालक जखमी झाला असून, बसचेही नुकसान झाले आहे. याप्रकरणी संबंधित कार चालकाविरुद्ध गुन्हा दाखल करण्यात आला आहे. या घटनेचा पुढील तपास पोलिस उपनिरीक्षक पारधी करत आहेत.
