Beed News : In Dongaon Shivara, the work of cotton in the cotton fields has gained momentum
डोणगाव, पुढारी वृत्तसेवा : जाफराबाद तालुक्यातील डोणगावसह परिसरामध्ये पावसाने जून महिन्याच्या शेवटी रिमझिम पावसाने हजेरी लावल्याने धूळपेरणी करण्यात आली होती. यानंतर पाऊस पडल्याने कपाशी उगवून आली आहे. उगवलेल्या पिकांमध्ये आंतरमशागतीचे कामे सुरू झाली आहे.
डोणगाव शिवारात पावसाच्या वातावरणामुळे शेतकऱ्यांनी खरीप हंगामातील कोळपणी, खुरपणी, रासायनिक खते देणे आणि औषध फवारणी यांसारख्या अंतर्गत मशागतींच्या कामांना वेग दिला आहे. रिमझिम पावसाने पिकांना जीवदान दिल्याने शेतकरी वर्गात समाधानाचे वातावरण आहे.
मागील आठवड्यापासून रिमझिम पाऊस असल्याने खरिप हंगामातील पिकांना संजीवनी मिळाली आहे. पिकामध्ये आंतरमशागतीच्या कामाला शेतकरी यांनी सुरुवात केली आहे. बैलजोडीच्या सहाय्याने कपासीच्या शेतात कोळपणीचे कामे करण्यात येत आहे.
काही शेतकरी मजुराच्या सहाय्याने खुरपणी करताना दिसत आहे. शेतकऱ्यांना शेती खर्च करून स्वतःचा घरचा खर्च, शिक्षणाकरिता लागणारा खर्च, शेतीत बी बियाणे पासून रासायनिक खते कीटकनाशक औषध फवारणी खर्च नसल्याचे शेतकरी सांगत आहे. परवडत
