Beed Crime News
केज : शेत नांगरणीचे पैसे मागितल्याच्या कारणावरून एका ट्रॅक्टर चालकास तिघांनी लोखंडी टॉमीने मारहाण केल्याची घटना केज तालुक्यातील बेलगाव येथे घडली.
बेलगाव (ता. केज) येथील रामेश्वर महादेव चौरे या तरुणाने मागील महिन्यात मल्हारी देवीदास चौरे याचे ६ एकर शेत ट्रॅक्टरने नांगरून दिले होते. १७ मे रोजी सकाळी ८.३० ते ९.३० दरम्यान त्याने नांगरणी केलेल्या ९ हजार ६०० रुपयेची मागणी केली. त्यावर मल्हारी चौरे याने 'हे तुझे तेवढे पैसे होत नाहीत' असे म्हणाल्या वरून त्यांच्यात बाचाबाची झाली.
त्यानंतर मल्हारी चौरे, केशव चौरे, रवींद्र चौरे यांनी लोखंडी टॉमीने रामेश्वर चौरे यांच्या पाठीवर व बरगडीवर मारहाण करून जखमी केले. मारहाणीत जखमी झालेल्या रामेश्वर चौरे याच्यावर केज येथील उपजिल्हा रुग्णालयात प्रथमोपचार करून पुढील उपचार अंबाजोगाईच्या स्वामी रामानंद तीर्थ रुग्णालयात उपचार करण्यात आले. रुग्णालयातून सुट्टी मिळाल्या नंतर २३ मे रोजी त्याने दिलेल्या तक्रारी वरून मल्हारी चौरे, केशव चौरे, रवींद्र चौरे या तिघांविरुद्ध केज पोलिस ठाण्यात गुन्हा दाखल झाला आहे. पुढील तपास जमादार बाबासाहेब बांगर हे करीत आहेत.
