गौतम बचुटे/केज (बीड)
केज तालुक्यात विहिरीवर ब्लास्टिंगचे होल घेण्याचे काम करणारा एका अल्पवयीन मुलगा जिलेटीनच्या स्फोटात गंभीर जखमी झाला. या स्फोटात मुलाचा एक डोळा व हात निकामी झाला आहे. ही घटना तीन महिन्यांपूर्वी घडली. सदर घटना लपवून ठेवली होती.
या घटनेचा बाल कल्याण समितीने पाठपुरावा केला. या घटनेनंतर तब्बल तीन महिन्यानंतर गुन्हा दाखल झाला आहे. असुरक्षित क्षेत्रात बालकामगारांचा सर्रास वापर होत असताना जिल्हा बाल कामगार अधिकाऱ्यांना याचा थांगपत्ता देखील लागत नसल्याने या विषयी संताप व्यक्त होत आहे.