कागल : पालकमंत्री हसन मुश्रीफसाहेब यांच्या घरावरील ईडीच्या धाडीवेळी नागरिक त्यांच्या दारासमोर या अधिकार्यांच्या समोर समर्थनार्थ उभे राहिले होते; मात्र पालकमंत्री पाठीमागच्या दाराने पळून गेले. याचाच अर्थ त्यांनी भ—ष्टाचार केल्याचे स्वतःच सिद्ध केले, अशी घणाघाती टीका महाविकास आघाडीचे उमेदवार समरजितसिंह घाटगे यांनी केली.
कागल शहरातील विक्रमनगर, शाहूनगर, नेताजी सुभाषचंद्र बोस चौक व मुजावर गल्ली या ठिकाणी झालेल्या कोपरा सभांवेळी ते बोलत होते. यावेळी आनंदा माणगावकर, रोहित माणगावकर, देवदास मोरे यांनी कार्यकर्त्यांसह राष्ट्रवादी काँग्रेस शरदचंद्र पवार पक्षात प्रवेश केला. घाटगे म्हणाले, छत्रपती शाहू महाराजांची जनक भूमी असलेल्या कागलची ओळख पालकमंत्र्यांच्या भ—ष्टाचारी प्रवृत्तीमुळे चुकीची निर्माण झाली आहे. रस्ते, गटर्स व प्लॉटिंग करणारे कार्यकर्त्यांचे संरक्षण, यामध्येच त्यांनी विशेष लक्ष घातले. कागलसारख्या शहरात वैद्यकीय शिक्षणमंत्री असलेल्या पालकमंत्र्यांना 500 बेडचे हॉस्पिटल आणले नाही. स्कूटरवरून फिरणार्या पालकमंत्र्यांकडे कोट्यवधींची माया आली कुठून?
राजेंद्र जाधव म्हणाले, 40 वर्षांपूर्वी पालकमंत्री वाय. डी. माने यांच्या लॅम्ब—ेडा स्कूटरवरून फिरायचे. आज त्यांच्याकडे कोट्यवधी रुपयांची माया असल्याचे त्यांनी उमेदवारी अर्ज भरताना दाखवले आहे. आता त्यांचेकडे हजारो कोटी रुपयांची मालमत्ता आली कुठून? याशिवाय त्यांच्या नातेवाईकांच्या नावावर हजारो कोटी रुपयांची मालमत्ता आहे हे गौडबंगाल काय?
यावेळी रमीज मुजावर, अखिलेशराजे घाटगे, कागलचे माजी उपनगराध्यक्ष रमेश माळी, सुरेश कुराडे, शिवानंद माळी, सागर कोंडेकर, हौसाबाई धुळे, दादू गुरव, दगडू चौगुले, दिलीप पाटील, प्रमोद हर्षवर्धन, संकेत भोसले, हिदायत नायकवडी, गजानन माने, विजया निंबाळकर, अभिजित कांबळे आदींनी मनोगत व्यक्त केले. या कोपरा सभांना राजे वीरेंद्रसिंह घाटगे, बॉबी माने, सतीश पाटील, नंदू माळकर, आनंदा पसारे, आनंदी मोकाशी, दीपाली भुरले, विवेक कुलकर्णी, दीपक मगर, उमेश सावंत, नम—ता कुलकर्णी, दीपाली घोरपडे, विद्या गिरी आदी उपस्थित होते.
माजी उपनगराध्यक्ष रमेश माळी म्हणाले, छत्रपती शाहू महाराजांच्या जनक घराण्याचे वंशज असलेले समरजितसिंह घाटगे सीए आहेत. शाहू ग्रुपची धुरा त्यांनी यशस्वी सांभाळली आहे. या विभागाच्या शाश्वत विकासासाठी ते रात्रंदिवस झटत आहेत. शाहू, फुले, आंबेडकर यांचे नाव घेणार्या विरोधकांना शाहूंचा हा वंशज आमदार म्हणून का चालत नाही?
