कोल्हापूर : सेवा, समर्पण आणि जिद्दीच्या जोरावर समाजाच्या विविध क्षेत्रांत आपली वेगळी ओळख निर्माण करणाऱ्या मान्यवरांचा गौरव करण्यासाठी आयोजित केलेला दै. ‘पुढारी’ आणि ’प्रयोग सोशल फाऊंडेशन’ प्रस्तुत ‘पुढारी आयकॉन 2026’ सोहळा अत्यंत उत्साही वातावरणात पार पडला.
वारणा सहकारी बॅंकेचे अध्यक्ष निपुण कोरे यांच्या हस्ते आणि दै. ‘पुढारी’चे कार्यकारी संपादक विजय जाधव यांच्या प्रमुख उपस्थितीत हा कार्यक्रम हॉकी स्टेडियम रोडवरील हॉटेल रॉयल पॅव्हेलियनमध्ये झाला. या सोहळ्यात वैद्यकीय, सामाजिक आणि उद्योग क्षेत्रातील दिग्गजांनी आपले अनुभव कथन केले. कोल्हापूरच्या मातीतील संघर्षाची गाथा आणि यशाचे शिखर गाठताना मिळालेली दै. ‘पुढारी’ची साथ, अशा भावनांनी हा सोहळा भावुक करणारा ठरला.
