कोल्हापूर : बीबीए, बीसीएसाठी पुन्हा प्रवेश परीक्षा (सीईटी) घेण्यात यावी, अशी सूचना राज्याचे उच्च व तंत्र शिक्षण मंत्री चंद्रकांत पाटील शिक्षण विभागातील अधिकार्यांना दिल्या.
वैद्यकीय शिक्षण मंत्री हसन मुश्रीफ यांच्या उपस्थितीत शिवाजी विद्यापीठ विकास आघाडी व प्राचार्य संघटना यांच्यात मुंबईत बैठक झाली.
शैक्षणिक वर्षामध्ये अनेक विद्यार्थ्यांनी बीबीए, बीसीएसाठीची प्रवेश परीक्षा न दिल्यामुळे प्रवेशापासून वंचित राहण्याची शक्यता होती. आता पुनर्परीक्षेमुळे विद्यार्थ्यांना प्रवेश घेणे सोयीचे होणार आहे. बीसीए, बीबीए अभ्यासक्रमासंदर्भात येणार्या अडचणींबाबत अखिल भारतीय तंत्र शिक्षण परिषदेकडे संलग्नीकरण शुल्क व अनामत रक्कम कमी करण्यासाठी शासनाच्या वतीने शिफारस करण्यात येईल, असेही पाटील सांगितले. यावेळी भैया माने, प्राचार्य डी. आर. मोरे, अॅड. धैर्यशील पाटील, प्राचार्य व्ही.एम. पाटील, उच्च शिक्षण सचिव वेणुगोपाल रेड्डी, शैलेंद्र देवळणकर, विनोद मोहितकर, सहसंचालक प्रकाश बच्छाव आदी उपस्थित होते.
