कोल्हापूर : कोल्हापूरातील मटका बुकी सम्राट कोराणे याला आश्रय आणि आर्थिक रसद पुरविणाऱ्या दोन साथीदारांना विशेष पथकाने रविवारी सायंकाळी अटक केली. पोलीस उपाधीक्षक तथा तपास अधिकारी अजित टिके यांनी कारवाई केली दोघांवर झालेल्या कारवाईमुळे या प्रकरणातील एकूण संशयितांची संख्या 46 झाली आहे. सम्राट कोराणे हा गुन्हा दाखल झाल्यानंतर ६ वर्षांनी न्यायालयात हजर झाला होता. त्याच्यावर मकोका कायद्याअंतर्गंत गुन्हा दाखल झाला आहे. काेराणे याला ७ राेजी पोलिसांनी कळंबा कारागृहातून ताब्यात घेतले हाेते.
विजय उर्फ सोन्या कोराणे राहणार शिवाजी पेठ कोल्हापूर व उत्तम मोरे राहणार कोल्हापूर अशी अटक केलेल्यांची नावे आहेत. विजय उर्फ सोन्या हा सम्राट कोराणे यांचा पुतण्या आहे. उत्तम मोरे हा सम्राट कोराणे याचा मित्र आहे. सोन्या कोराणे याने सम्राट कोराणे याला फरारी काळातवेळोवेळी पैशाची मदत केली होती. तर उत्तम ने वाशी येथे भाड्याचा फ्लॅट मिळवून देण्यासाठी प्रयत्न केले होते. चौकशीत ही माहिती निष्पन्न झाल्यानंतर रविवार संध्याकाळी त्यांना अटक करण्यात आली.
तत्कालीन पोलीस अधीक्षक अभिनव देशमुख आणि तत्कालीन शहर पोलीस उपअधीक्षक प्रेरणा कट्टे यांनी सम्राट कोराणे यांच्यासह 44 जणांवर मोका अंतर्गत कारवाई केली होती. कोराणे वगळता 42 जणांना यापूर्वीच अटक झाली होती. मात्र, कोराणे सहा वर्षांपासून पोलिसांना चकवा देत राहिला होता. अखेर ताे दिवसांपूर्वी तो जिल्हा न्यायालयात हजर झाला.
