कोल्हापूर : अल्पवयीन मुलीचे अपहरण करून तिच्यावर अत्याचार करणाऱ्या नराधमास जिल्हा व सत्र न्यायाधीश ए. आय. पेरमपल्ली यांनी दोषी ठरवत जन्मठेपेची शिक्षा सुनावली. तानाजी नामदेव शिंदे (वय ३०, रा. कांडवण पैकी कांबळेवाडी, ता. शाहूवाडी) असे आरोपीचे नांव आहे. सप्टेंबर २०१० मध्ये घडलेल्या या घटनेची नोंद शाहूवाडी पोलिस ठाण्यात झाली होती.
पीडित अल्पवयीन मुलगी २९ सप्टेंबर २०१८ ला सायंकाळी रस्त्यावरून जात असताना आरोपी तानाजी शिंदे याने अपहरण केले. एका शेतवडीमध्ये नेऊन तिच्यावर अत्याचार केला. हा प्रकार तिने आईला सांगितला. याप्रकरणी शाहूवाडी पोलिस ठाण्यात गुन्हा दाखल झाला. तत्कालीन उपअधीक्षक आर. आर. पाटील यांनी तपास करून न्यायायालयात दोषारोपपत्र दाखल केले. अतिरिक्त सरकारी वकील सुजाता इंगळे यांनी १० साक्षीदार तपासले. सरकारी वकिलांनी केलेला युक्तिवाद ग्राह्य मानून न्यायाधीश पेरमपल्ली यांनी आरोपीला जन्मठेव व दोन हजार रुपये दंडाची शिक्षा सुनावली. पोलिस अंमलदार फारूक पिरजादे, संतोष पोवार यांनी सरकारी पक्षाला सहकार्य केले.
