कोल्हापूर, पुढारी वृत्तसेवा : कोल्हापूरच्या ऐतिहासिक आणि सांस्कृतिक परंपरेचा मानदंड असणारे संगीतसूर्य केशवराव भोसले नाट्यगृह गुरुवारी रात्री लागलेल्या भीषण आगीत भस्मसात झाले. या दुर्घटनेबाबत सर्व स्तरातून हळहळ व्यक्त केली जात आहे. आता या दुर्घटनेबाबत महावितरणने मोठा खुलासा केला आहे. (Keshavrao Bhosale Natyagruha Kolhapur)
संगीतसूर्य केशवराव भोसले नाट्यगृह येथे कोल्हापूर महापालिकेच्या नावाने महावितरणकडून वीज जोडणी देण्यात आली आहे. महावितरणचा हा एक उच्चदाब ग्राहक आहे. नाट्यगृहास वीज पुरवठा करणारी महावितरणची यंत्रणा (CT- PT, रोहित्र व मीटरींग युनिट) ही नाट्यगृहाच्या इमारतीपासून दूर मोकळ्या जागेत सुमारे १०० फूट अंतरावर आहे. (Keshavrao Bhosale Natyagruha Kolhapur)
महावितरणची जबाबदारी ही मीटरींग युनिट पर्यंत असते. तेथून पुढे सर्व जबाबदारी ही संबंधित ग्राहकाची असते. तसेच नाट्य गृहातील अंतर्गत वीज वितरण व्यवस्था ही महानगरपालिकेकडून पाहिली जाते. सद्यस्थितीत नाट्यगृहास वीज पुरवठा करणारी महावितरणची सर्व यंत्रणा सुस्थितीत आहे. त्यामुळे संबंधित आगीच्या घटनेशी महावितरणचा कोणताही संबंध नाही, अशी माहिती महावितरणकडून देण्यात आली आहे. (Keshavrao Bhosale Natyagruha Kolhapur)