Kolhapur News| रुई येथे चालत्या दुचाकीला आग; चालक गंभीर जखमी

इचलकरंजी : रुई (ता. हातकणंगले) येथे चालत्या मोटारसायकलला अचानक लागलेल्या आगीत मोटारसायकल जळून खाक झाली, तर चालक राजू रंगराव शिंदे (रा. भोनेमाळ, इचलकरंजी) गंभीर जखमी झाला. ही घटना रविवारी दुपारी एकच्या सुमारास घडली.

रुई-पट्टणकोडोली रस्त्यावरून राजू शिंदे मोटारसायकलवरून जात होते. मगदूम विहिरीजवळ त्यांच्या गाडीला अचानक आग लागली. यावेळी ते गाडीवरून जोरात पडले. त्यामध्ये ते गंभीर जखमी झाले. त्यांना इचलकरंजी येथील आयजीएम रुग्णालयात दाखल केले आहे. हातकणंगले पोलिसांनी घटनास्थळी भेट देऊन पाहणी केली. तसेच पोलिस पाटील नितीश तराळ, सुभाष चौगुले, जावेद मुजावर आणि नजीर मुजावर यांनी मदतकार्य केले. मोटारसायकलला आग लागण्याचे नेमके कारण समजू शकलेले नाही.