सरवडे; पुढारी वृत्तसेवा : राधानगरी तालुक्यातील कासारवाडा पाटणकर येथे ट्रॅक्टरमधुन विनापरवाना खैरजातीचे जळावू लाकूड वाहतूक करताना तिघांना प्रादेशिक वनविभागाने ताब्यात घेतलं आहे. त्यांच्यावर वन अधिनियमानुसार गुन्हे दाखल करण्यात आली आहे. ट्रॅकटरसह लाकूड यावेळी जप्त करण्यात आले.
वनविभागाला मिळालेल्या गुप्त बातमीनुसार, प्रादेशिक वनविभागाने गस्त वाढवली होती. गस्त घालीत असताना कासारवाडा पाटणकर येथे ट्रॅक्टर (क्र. MH -09 AV 6927) मधून खैर जातीचे लाकूड विनापरवाना वाहतूक होत असल्याचे आढळून आले. त्यानिंतर दोन्ही ट्रॅक्टर चालकांना ताब्यात घेण्यात आले. भास्कर तुकाराम पोवार कासारपुतळे, अशोक विष्णू बुकम (रा.मानबेट,नेताजी परशराम सावंत रा. कासरपुतळे) असे या चालकांचे नाव आहे. भारतीय वन अधिनियमाचे उल्लंघन केल्याबद्दल गुन्हा नोंद करून ट्रॅक्टर मालासह जप्त केला आहे. ही कारवाई वनक्षेत्रपाल अविनाश तायनाक, सरवडे वनपाल सर्जेराव पाटील,वनरक्षक महादेव आंगज, सरिता पाटील ,संजय पवार,अशोक संकपाळ, बंडोपंत देवूलकर , संतोष करपे यांनी केली.
