कुरुंदवाड : पुढारी वृत्तेसेवा
अकिवाट ता.शिरोळ दरम्यानच्या बस्तवाड रस्त्यावर ट्रॅक्टर ट्रॉली महापुराच्या पाण्याच्या वेगाने पलटी झाल्‍याची घटना घडली आहे. या ट्रॉलीत सात ते आठ जण होते. यातील 4 जण सुखरूप आहेत. तर 3 जण पाण्याच्या प्रवाहात वाहत गेले आहेत. त्यांचा अध्यापही पत्ता लागलेला नाही. आपत्ती व्यवस्थापन तर्फे शोध मोहीम सुरू आहे.
अकिवाटचा शिरोळ ग्रामपंचायतच्या पाणीपुरवठ्याची मोटर सुरू करण्यासाठी आणि केळी शेतात कामासाठी जाण्यासाठी ट्रॅक्टर ट्रॉलीत बसून हे लोक जात होते. यावेळी1 पाण्याचा अंदाज चालकाला न आल्याने ट्रॉली घसरून पलटी झाली. यामध्ये चारजण पाण्यातून पोहोत पाण्याच्या प्रवाहातून बाजूला आल्याने ते सुखरूप बचावले आहेत. तिघांची शोध मोहीम सुरू आहे. आपत्ती व्यवस्थापनातर्फे बेपत्ता झालेल्यांची शोधमोहीम सुरू आहे.
