Kolhapur Crime : लग्नाचे आमिष दाखवून अल्पवयीन मुलीवर अत्याचार

कोल्हापूर : अल्पवयीन मुलीस लग्नाचे आमिष दाखवून अत्याचार केल्याप्रकरणी उत्तर प्रदेशातील तरुणास जुना राजवाडा पोलिसांनी अटक केली. उदयभान रामबहाल यादव (वय 25, रा. हाजरा सालेहपूर, संत कबीरनगर उत्तर प्रदेश, सध्या रा. उपनगर, कोल्हापूर) असे त्याचे नाव आहे.

परप्रांतीय उदभान आणि संबंधित पीडित हे शहरातील एका उपनगरात भाड्याने राहतात. गेल्या वर्षभरापासून पीडित, उदयभान यांची ओळख होती. लग्नाचे आमिष दाखवून शारीरिक संबंध ठेवल्याने मुलगी गर्भवती राहिली. तिच्या पोटात दुखू लागल्याने आईने तिला रुग्णालयात उपचारासाठी नेले. यावेळी मुलगी गर्भवती असल्याचे निदर्शनास आले. पीडितेच्या आईने जुना राजवाडा पोलिस ठाण्यात तक्रार दिली आहे.