कोल्हापूर : श्री करवीर निवासिनी अंबाबाई मंदिर देवस्थान समितीच्या दानपेट्यांमधील रकमेची ३० जून ते ६ जुलै या कालावधीत दोन महिन्यांतील मोजदाद करण्यात आली. ११ दानपेट्यांमधून एकूण २ कोटी ५७ लाख ११ हजार ४०७ रुपये इतकी देणगी भाविकांकडून जमा झाल्याचे देवस्थान समितीच्या वतीने सांगितले.
गेल्या पाच दिवसांपासून दानपेटीतील देणगीची मोजदाद सुरू होती. त्यामध्ये मदत पेटी क्रमांक १ मध्ये सर्वाधिक ५०,३७,६२८ रुपये देणगीदाखल जमा झाले. ३० जून रोजी पाच दानपेट्यांची मोजदाद करण्यात आली. त्यामध्ये दान पेटी क्रमांक क्रमांक ६ मध्ये २४,८४,५६९ रुपये, क्रमांक १० मध्ये ३,५६,२२७ रुपये, क्रमांक ४ मध्ये २,३०,३२६ रुपये तर क्रमांक ९ मध्ये १,९६,१२५ रुपये जमा झाले. पेटी क्रमांक २ मधून ४८,२०,७०० रुपये आणि क्रमांक ८ मधून ७,९०,९९१ रुपये प्राप्त झाले. पेटी क्रमांक ११ मधून ३६,४५,४४० रुपये जमा झाले. पेटी क्रमांक ७ मध्ये ३०,३९,५४२ रुपये, तर पेटी क्रमांक १२ मध्ये २०,४५,६३३ रुपये, क्रमांक ३ मध्ये १,७७,७७२ रुपये आणि क्रमांक ५ मध्ये ८३,४५० रुपये जमा झाल्याची नोंद आहे.
