कोल्हापूर : गुढीपाडवा आणि हिंदू नववर्षाच्या पार्श्वभूमीवर सर्वसामान्यांसाठी दिलासादायक बाब म्हणजे काही दिवसांपासून गगनाला भिडलेले सोने आणि चांदीचे दर एकाच दिवसात लक्षणीयरीत्या खाली आले. बुधवारी (दि. 18) 1 लाख 57 हजार 300 रुपयांवर असलेले 24 कॅरेट 10 ग््रॉम सोन्याचे दर गुरुवारी (दि. 19) थेट 1 लाख 48 हजार 500 रुपयांपर्यंत खाली आले. म्हणजेच केवळ 24 तासांत सोन्यात तब्बल 8 हजार 800 रुपयांची घट झाली.
1 किलो चांदीचा दर 2 लाख 52 हजार रुपयांवरून 2 लाख 45 हजार रुपयांवर आला. हे दर जीएसटीसह असून, जीएसटी वजा केल्यास मूळचे दर यापेक्षा 3 टक्क्यांनी कमी आहेत. जागतिक पातळीवर युद्धजन्य परिस्थिती निर्माण झाल्यापासून बाजारपेठेत सोन्याच्या दरात मोठी पडझड पाहायला मिळत आहे.
