Child Death Incident | रोडरोलरखाली चिमुरडीचा अंत

प्रयाग चिखली : करवीर तालुक्यातील वरणगे-पाडळी येेथे रस्त्याच्या कामादरम्यान रोडरोलरखाली सापडून चिमुरडीचा मृत्यू झाला. मोनिका रवी चव्हाण (वय २ वर्षे ८ महिने, रा. आकेर्ली, ता. विजापूर) असे तिचे नाव आहे. ही घटना शनिवारी घडली.

रस्त्यावर टाकलेली खडी समतोल करण्याचे काम रोडरोलरच्या सहाय्याने सुरू होते. जवळच खेळत असलेली मोनिका रोडरोलरच्या पुढील चाकाखाली सापडल्याने गंभीर जखमी झाली. तिला तातडीने सीपीआर रुग्णालयात दाखल केले. वैद्यकीय अधिकाऱ्यांनी उपचारापूर्वीच तिचा मृत्यू झाल्याचे घोषित केले. तिच्या पश्चात आई, वडील असा परिवार आहे. करवीर पोलिसांनी घटनास्थळी पंचनामा केला.