चंदगड : उमगाव पैकी माळीवाडी (ता. चंदगड ) येथील एका बेपत्ता वृद्धाचा सांगाडा शेंडा टेक नावाच्या शेतात आढळला. हा सांगाडा पाच महिन्यापूर्वी बेपत्ता झालेल्या धोंडीबा विठोबा सावंत (वय ७९, रा. उमगाव पैकी माळीवाडी, ता. चंदगड) यांचा असल्याचे स्पष्ट झाले आहे. याबाबतची वर्दी विक्रम विठोबा सावंत (वय ३१) यांनी चंदगड पोलिसात दिली आहे.
त्याबाबत अधिक माहिती अशी की, धोंडीबा सावंत हे ११ डिसेंबर रोजी सकाळी ९.३० पासून गायब होते. त्यांच्या सांगाडा गुरुवारी (दि. १४) माळीवाडी येथील शेंडा टेक नावाच्या शेतात आढळला. ते शेताकडे जातो म्हणून गेले होते, यानंतर ते बेपत्ता होते. याबाबत पाच महिन्यापूर्वीच बेपत्ता झाल्याची तक्रार मनोहर धोंडीबा सावंत यांनी चंदगड पोलिसात दिली होती. त्यानंतर मृत व्यक्तीच्या शरीराचा सांगाडा आढळून आल्याने परिसरात चर्चेचा विषय बनला आहे. अधिक तपास पोलीस हेड कॉन्स्टेबल ए. बी. नाईक करत आहेत.
