कोल्हापूर : पश्चिम महाराष्ट्रातील पर्यटनप्रेमींना दरवर्षी प्रतीक्षा असलेले दैनिक ‘पुढारी’ आयोजित ‘टूर्स अँड ट्रॅव्हल्स एक्झिबिशन’ शुक्रवार, दि. 25 पासून बेळगावात सुरू होत आहे. ‘गगन टूर्स’ प्रस्तुत आणि पॉवर्ड बाय ‘अ हेवन हॉलिडेज’ हे भव्य प्रदर्शन त्यानंतर कोल्हापूर, सांगलीतही होणार आहे. बेळगावात प्रथमच होत असलेल्या या पर्यटन एक्स्पोची जोरदार तयारी सुरू आहे. बेळगावसह सीमाभागातील नागरिकांना एकाच छताखाली पर्यटनविषयक सर्व माहिती आणि संधींचा खजिना उपलब्ध होणार आहे.
हे प्रदर्शन म्हणजे ग्राहकांसाठी आपल्या स्वप्नातील सुट्टीचे नियोजन करण्याची एक सुवर्णसंधी ठरणार आहे. हिमाचलच्या बर्फाळ डोंगररांगांपासून ते केरळच्या शांत बॅकवॉटर्सपर्यंत आणि युरोपच्या ऐतिहासिक शहरांपासून ते दुबईच्या आधुनिक वैभवापर्यंतचे असंख्य पर्याय येथे उपलब्ध असतील.
विविध पॅकेजेस : कौटुंबिक सहली, हनिमून पॅकेजेस, साहसी पर्यटन टूर्स आणि ज्येष्ठ नागरिकांसाठी विशेष यात्रा अशा सर्व प्रकारच्या सहलींची माहिती मिळेल.
तज्ज्ञांशी थेट संवाद : आपल्या बजेटनुसार आणि वेळेनुसार सहल ‘कस्टमाईज’ करून घेण्यासाठी तज्ज्ञांशी थेट बोलण्याची संधी हे या प्रदर्शनाचे मुख्य वैशिष्ट्य आहे.
आकर्षक सवलती : केवळ प्रदर्शनासाठी असलेल्या खास सवलती आणि ऑफर्सचा लाभही ग्राहकांना घेता येणार आहे, ज्यामुळे सहलीचे नियोजन अधिक किफायतशीर होईल. टूर कंपन्यांसाठी हक्काचे व्यासपीठ हे प्रदर्शन केवळ ग्राहकांसाठीच नव्हे, तर पर्यटन व्यवसायातील कंपन्यांसाठीही एक हक्काचे व्यासपीठ ठरले आहे. हजारो संभाव्य आणि उत्सुक ग्राहकांना थेट भेटून आपल्या टूर पॅकेजेसची वैशिष्ट्ये समजावून सांगण्याची आणि ग्राहकांच्या मनात विश्वास निर्माण करण्याची संधी कंपन्यांना मिळते. ग्राहकांशी होणारा थेट संवाद अधिक प्रभावी ठरत असल्याने कंपन्यांना वर्षभरासाठी ग्राहक मिळतात. आपल्या खास ऑफर्स थेट ग्राहकांपर्यंत पोहोचवून जागेवरच बुकिंग मिळवण्यासाठी हे प्रदर्शन एक उत्तम माध्यम आहे.
दैनिक ‘पुढारी’चे हे प्रदर्शन ग्राहक आणि व्यावसायिक या दोघांसाठीही एक ‘विन-विन’ सिच्युएशन निर्माण करणारे आहे. यंदा बेळगावमध्ये आयोजन होत असल्याने सीमाभागातील पर्यटनप्रेमींनाही देश-विदेशातील टूर्स पॅकेजेसची माहिती घरबसल्या मिळणार आहे.
अधिक माहिती आणि स्टॉल बुकिंगसाठी संपर्क :
कोल्हापूर : 8805021253, बेळगाव : 9448994050, सांगली : 8805007148, पुणे : 9881256084, मुंबई : 9820436956, नाशिक : 9765566411.
बेळगाव : दिनांक 25, 26, 27 जुलै. वेळ : सकाळी 10 ते रात्री 8. स्थळ : मराठा मंदिर सांस्कृतिक भवन, खानापूर मेन रोड, रेल्वे उड्डाणपुलाजवळ, टिळकवाडी, बेळगाव.
कोल्हापूर : दिनांक 2, 3, 4 ऑगस्ट. वेळ : सकाळी 10 ते रात्री 8. स्थळ : डॉ. व्ही. टी. पाटील स्मृती भवन, राजारामपुरी, कोल्हापूर.
सांगली : दिनांक 8, 9, 10 ऑगस्ट. वेळ : सकाळी 10 ते रात्री 8. स्थळ : कच्छी जैन भवन, सांगली-मिरज रोड, सांगली.
