गडमुडशिंगीत मंदिर विहिरीत कोसळलं; एकाचा मृत्‍यू

कोल्‍हापूर : पुढारी वृत्तसेवा

कोल्हापुरातल्या गडमुडशिंगी या ठिकाणी विहिरीच्या काठावर असणारे मंदिर विहिरीत कोसळल्‍याची धक्‍कादायक घटना घडली. या दुर्घटणेत कृष्णात उमराव दांगट हे पूजा करीत असताना मंदिर पाण्यात कोसळलं. त्यात कृष्णात उमराव दांगट यांचा या दुर्घटनेत मृत्यू झाला.

या विषयी अधिक माहिती अशी की, गडमुडशिंगी येथे विहिरीच्या काठावर एक छोटं नृसिंह मंदिर उभारण्यात आलं होतं. 20 ते 22 वर्षांपूर्वीच हे जुनं मंदिर असल्याची माहिती आहे. येथील दांगट परिवाराचे कुलदैवत असल्यामुळे दांगट कुटुंबिय हे नित्यनियमाने या मंदिरात पूजा करीत होते. पोलीस घटनास्थळी दाखल झाले असून कृष्णात यांना पाण्यातून बाहेर काढण्यासाठी रेस्क्यू पथक घटनास्थळी दाखल झाले आहे.