कोल्हापुरात वृद्ध महिलेचा दगडाने ठेचून खून

कोल्हापूर ; पुढारी वृत्तसेवा कोल्हापूर येथील जवाहर नगर सरनाईक वसाहत परिसरात (70 वर्षीय) वृद्ध महिलेचा दगडाने ठेचून अमानुषपणे खून करण्यात आला. ही घटना आज (रविवार) सकाळी उघडकीस आली. (लक्ष्मी विलास क्षीरसागर वय 70 राहणार रोहिदास कॉलनी, कोल्हापूर) असे त्‍यांचे नाव आहे.

नवरात्र उत्सव काळात शहरातील मध्यवर्ती आणि गजबजलेल्या परिसरात खुनाचा प्रकार घडल्याने शहरात खळबळ माजली आहे. वरिष्ठ पोलीस अधिकाऱ्यांनी घटनास्थळाकडे धाव घेऊन पाहणी केली आहे. अद्याप मारेकरांचा शोध लागलेला नाही.