परशुराम लालप्पा लमानी (२७, रा. बागलकोट कर्नाटक, सध्या तळेरे ) हा मारुती स्विफ्ट कार घेऊन कणकवली ते कुडाळ जात होता. त्याचे गाडीवरील नियंत्रण सुटल्याने ती प्रथम महामार्गाच्या साईडच्या लोखंडी रेलिंग व लाईटच्या पोलला धडकली. त्यानंतर ती हवेत उडून नवनाथनगरकडे जाणाऱ्या मोटारसायकलवर पडली. या अपघातात बाईकस्वार व मागे बसलेल्या स्वाराला दुखापत झाली. दोन्ही वाहनांसह शासकीय रेलिंग व लाईट पोलचेही मोठे नुकसान झाले. याप्रकरणी राहुल गौतम कांबळे (३४, रा. सिंधुदुर्गनगरी) यांनी दिलेल्या तक्रारीवरून सिंधुदुर्गनगरी पोलिस ठाण्यात कार चालकावर गुन्हा दाखल करण्यात आला.
