खेड : कोकणातील शिमगोत्सवाला मोठ्या उत्साहात सुरुवात झाली असून, खेडमध्ये विविध सोंगांनी रस्ते दणाणून निघाले आहेत. कोकणातील धार्मिक आणि सांस्कृतिक परंपरेचा आनंदोत्सव असलेल्या शिमगोत्सवात लहान-थोर सगळेच सहभागी झाले आहेत. खेडमध्ये श्री केदारनाथ तमाशा मंडळ, कोंडीवली शिंदेवाडीच्या कलाकारांनी गवळण, महिषासुर, शंकसुर आणि वाघाची सोंगे सादर केली. ढोलकीच्या तालावर कलाकारांनी ठेका धरला. महिषासुर आणि शंकसुराच्या सोंगांनी उपस्थितांच्या मनात थोडी दहशत निर्माण केली. तर गवळणीच्या नृत्यावर सगळेच थिरकले.
शिमगोत्सवाचा आनंद घेण्यासाठी कोकणातील नागरिक मोठ्या संख्येने रस्त्यावर उतरले आहेत. लहान मुलांपासून ते वयोवृद्धांपर्यंत सगळेच या उत्सवात सहभागी झाले आहेत.
"शिमगोत्सवामुळे आम्हाला खूप आनंद मिळतो. लहान मुलांनाही या सोंगांची खूप उत्सुकता असते.
ऋषिकेश कानडे
शिमगोत्सव हा कोकणातील एक महत्त्वाचा सण आहे. या सणातून आम्हाला आपली संस्कृती जपायला मिळते.
शाहीर गणेश शिंदे
शाहीर - गणेश शिंदे
गवळण - जितेंद्र सकपाळ
महिषासुर - अशोक फाळके
शंकसुर - प्रवीण जाधव
वाघ - चंद्रकांत शिंदे
ढोलकी - मंगेश भावे
कोरस - अनंत भातोसे, वसंत शिंदे
शिमगोत्सवामुळे कोकणातील वातावरण उत्साही झाले आहे.
