रत्नागिरी : पुढारी वृत्तसेवा
कोकण रेल्वे मार्गावरील आडवली रेल्वे स्थानकांनजीक ओव्हरहेड विद्युत वाहिनीत (OHE) बिघाड निर्माण झाल्याने कोकण रेल्वेची वाहतूक विस्कळीत झाली आहे. (Konkan Railway)
सावंतवाडी येथून दिव्याकडे जाणारी दैनंदिन एक्सप्रेस गाडी आडवली रेल्वे स्थानकाच्या खाली असता विद्युत वाहिनीत बिघाड निर्माण झाल्याने या गाडीसह याचवेळी भागातून जाणाऱ्या गाड्या रोखून ठेवाव्या लागल्या. तासभरात खोळंबलेली वाहतूक सुरू होईल असे, कोकण रेल्वेच्या जनसंपर्क विभागाकडून सांगण्यात आले आहे.
सावंतवाडी येथून दिव्याकडे जाणारी एक्सप्रेस गाडी या घटनेमुळे थांबवून ठेवावी लागली. विद्युत वाहिनीत बिघाड झाल्यानंतर रत्नागिरी येथून तातडीने रेल्वेची आपत्कालीन व्हॅन घटनास्थळी रवाना झाली. आज (शनिवार) दुपारी साडेबारा वाजता ही घटना घडली. या घटनेमुळे सावंतवाडी दिवा एक्सप्रेस मधून मुंबईकडे जाणाऱ्या प्रवाशांचा खोळंबा झाला.
