dapoli diesel theft news
दापोली : तालुक्यातील भडवळे येथे एस.टी. बसमधून डिझेल चोरी करताना एका चोरट्यास रंगेहाथ पकडण्यात आले. त्याच्याकडून बेकायदेशीर गावठी बंदूक व जिवंत काडतुसे जप्त करण्यात आल्याने परिसरात खळबळ उडाली आहे.
माहितीनुसार, गौतम मनोहर रुखे (रा. दयाळ रुखेवाडी, फुरुस, ता. खेड) हा त्याच्या वॅगनर (एमएच ०१ डीआर ३४५१) वाहनातून भडवळे येथे आला होता. तेथे मुक्कामी असलेल्या दापोली-भडवळे एस.टी. बस (एमएच २० बीएल १५३५) च्या डिझेल टँकचे झाकण उघडून पाईपच्या सहाय्याने डिझेल कॅनमध्ये काढत असताना तो रंगेहाथ सापडला. पोलिसांनी वाहनाची झडती घेतली असता त्यात विनापरवाना १२ बोअर सिंगल नळीची गावठी बनावटी बंदूक व जिवंत काडतुसे आढळून आली.
या घटनेबाबत एस. टी. वाहक निवृत्ती सखाराम पवार (३९, रा. दापोली आगार) यांनी फिर्याद दिली असून दापोली पोलिस ठाण्यात ३० मार्च रोजी सकाळी १०.२५ वाजता गुन्हा दाखल करण्यात आला आहे. पुढील तपास पोलिस हेड कॉन्स्टेबल अभिजित पवार करीत आहेत. दापोली पोलिसांनी तातडीने घटनास्थळी धाव घेत कारवाई सुरू केली. मात्र दापोली आगारातील एकही अधिकारी त्याठिकाणी उपस्थित नसल्याचे स्पष्ट झाले.
