नवी दिल्ली : Maharashtra Assembly Polls | महाविकास आघाडीच्या जागावाटपात योग्य पद्धतीने वाटाघाटी झाल्या नाहीत आणि मित्रपक्षांना अधिक जागा गेल्या. यामुळे विरोधी पक्षनेते राहुल गांधी राज्यातील काँग्रेस नेत्यांवर नाराज झाल्याची चर्चा आहे. शुक्रवारी झालेल्या काँग्रेसच्या बैठकीत राहुल गांधी यांनी राज्यातील काँग्रेस नेत्यांना या विषयावरून खडे बोल सुनावल्याचे सांगितले जाते.
महाविकास आघाडीच्या जागावाटपात आतापर्यंत १५८ जागांची घोषणा करण्यात आली आहे. मात्र, ठाकरे गट आणि काँग्रेसमध्ये काही जागांवरून सुरू असलेल्या वादामुळे जागावाटपाचा तिढा अद्याप कायम आहे. जागावाटपाच्या वाटाघाटी करताना काँग्रेस नेत्यांनी योग्य भूमिका पार पाडली नाही, असे सांगत राहुल गांधींनी राज्यातील नेत्यांना सुनावले. (Maharashtra Assembly Polls)
