नगर : शहरातील बालिकाश्रम रस्त्यावरील सुडके मळा परिसरात सोमवारी सायंकाळी पत्र्याच्या शेडमध्ये असणार्या दोन दुकानांना आग लागली. अवघ्या काही मिनिटांत आगीने रौद्ररूप धारण केले. त्यात दोन्ही दुकाने जळून खाक झाली. त्यात लाखो रुपयांचे नुकसान झाले.
बालिकाश्रम रस्त्यावरील सुडके मळा परिसरात सोमवारी सायंकाळी पत्र्याच्या शेडमधील दुकानांना आग लागली. त्यात चप्पल दुकान व इलेक्ट्रिक दुचाकी जळाली. शेजारी असणार्या फॅब्रिकेशनच्या दुकानाला आग लागून दुकानातील सर्व मशिनरी खाक झाल्या.
आगीची माहिती मिळताच अग्निशमन विभाग प्रमुख शंकर मिसाळ पथकासह घटनास्थळी दाखल झाले. अवघ्या काही मिनिटांत आग आटोक्यात आणली. पण, बघ्यांची गर्दी व वाहतूक कोंडीमुळे आग विझविण्याला अडथळा निर्माण झाला. दरम्यान, घटनास्थळी माजी महापौर अभिषेक कळमकर, राष्ट्रवादीचे अभिजित खोसे यांनाही धाव घेत वाहतूक पांगविली.
