अहमदनगर : पती-पत्नीच्या वादातून पतीने पत्नीवर ॲसिड टाकून गंभीर जखमी केले.सोनाली दत्तात्रय भाळवणकर( वय २६ रा. नाथनगर पाथर्डी) जखमी झालेल्या पत्नीवर पाथर्डीच्या उपजिल्हा रुग्णालयात दाखल करून अहिल्यानगर येथील रुग्णालयात पुढील उपचारासाठी हलवण्यात आले.
रविवारी दुपारी बारा वाजण्याच्या सुमारास आरोपी पती निलेश उर्फ चंद्रकांत रमेश पांडव (रा. धारूर जि. बीड) हा पत्नी राहत असलेल्या पाथर्डी शहरातील नाथनगर या राहत्या घरी आला.त्यावेळी आरोपी पती पत्नीला म्हणाला की,तु इकडे का आली असे म्हणुन शिवीगाळ करुन आरोपी पांडव याने आपल्या पत्नीवर त्याच्याकडील असलेल्या बाटलीतील ॲसिड अंगावर टाकले.
आरडा ओरडा झाल्याने बाजूला असलेल्या नागरिकांनी या महिलेची मदत केल्याने पुढचा अनर्थ टाळला. या घटनेत ही महिला वीस टक्के भाजली गेली आहे. सहा महिन्यापासून हे पती पत्नी विभक्त राहत होते. याचाच राग येऊन आरोपी पती पांडव याने ॲसिड अंगावर टाकून गंभीर जखमी केले. नागरिकांच्या मदतीने पोलिसांनी आरोपीला घटनास्थळावरून तात्काळ ताब्यात घेतले.
सोनाली हिच्या चेहऱ्यावर, दोन्ही हात,पायावर ॲसिड ओतले.त्यानंतर पती निलेशने ॲसिडची बाटली पत्नीच्या डोक्यात मारुन मला जखमी केले. मी आरडा ओरड केल्याने शेजारी राहणारे सोनाली शिंदे व तिचा पती संतोष शिंदे यांनी मला त्याच्या तावडीतुन सोडले.त्यावेळी पती निलेश हा पत्नीला म्हणाला की, तुला जिवंत सोडणार नाही अशी धमकी दिली. असे सोनाली हिने दिलेल्या फिर्यादीत म्हटले आहे.
सोनाली व निलेश यांचे २०१३ साली लग्न झाले होते. त्यांना दोन मुले असुन ते निलेश कडेच राहतात. निलेश हा पत्नी सोनालीला लग्न झाल्यापासुन शारिरीक व मानसिक त्रास देत असल्याने मागील सहा महिन्यांपुर्वी पती निलेश पासुन विभक्त राहुन सोनाली सध्या नाथनगर येथे एकटी भाड्याने राहत होती. भाऊबीजेच्या मुहूर्तावर ही दुर्दैवी घटना घडली आहे.घटनेची माहिती मिळतात पोलीस निरीक्षक संतोष मुटकुळे,पोलीस उपनिरीक्षक महादेव गुट्टे,राम सोनवणे, सुखदेव धोत्रे, गोपाळ ढवळे हे घटनास्थळी दाखल होऊन आरोपीला अटक करण्यात आली.
