सकाळी उठल्यावर गरम पाण्यात हळद घालून पिणे हा एक अतिशय जुना आणि नैसर्गिक घरगुती उपाय आहे. आयुर्वेदापासून ते आधुनिक संशोधनापर्यंत अनेक अभ्यासांमध्ये हळदीच्या सेवनाचे फायदे सिद्ध झाले आहेत. हळदीमध्ये असलेले कर्क्यूमिन (Curcumin), अँटी-ऑक्सिडंट्स, अँटी-इंफ्लेमेटरी आणि अँटी-बॅक्टेरियल गुणधर्म शरीराला आतून शुद्ध करून रोगप्रतिकारक शक्ती वाढवतात. डॉक्टरांच्या मते, योग्य पद्धतीने हळदीचे पाणी पिल्यास पचन सुधारते, मधुमेह नियंत्रणात राहतो, त्वचेला नैसर्गिक ग्लो येतो आणि शरीरातील विषारी घटक बाहेर टाकले जातात.
हळदीचे पाणी डिटॉक्स ड्रिंकप्रमाणे काम करते.
हे यकृत स्वच्छ करते आणि रक्तातील विषारी घटक बाहेर टाकते.
शरीरातील टॉक्सिन्स कमी झाल्याने त्वचा निरोगी दिसते आणि चेहऱ्यावर चमक येते.
डिटॉक्स झाल्यानंतर पचनसंस्था नीट काम करू लागते आणि थकवा कमी होतो.
हळदीतील नैसर्गिक गुणधर्म चांगले बॅक्टेरिया सक्रिय करतात.
यामुळे गॅस, आम्लपित्त, अॅसिडिटी, बद्धकोष्ठता यांसारख्या समस्या कमी होतात.
जेवण पचायला मदत होते आणि पोट हलके वाटते.
हळदीतील कर्क्यूमिन इन्सुलिनची पातळी संतुलित ठेवण्यास मदत करते.
यामुळे रक्तातील साखरेची पातळी अचानक वाढत नाही.
नियमित सेवनाने टाईप २ मधुमेह नियंत्रणात ठेवणे सोपे होते.
हळदीमध्ये अँटी-ऑक्सिडंट्स असल्याने त्वचेतील सूज, मुरुम कमी होतात.
डाग-डाग कमी होऊन चेहरा उजळ दिसतो.
सुरकुत्या कमी होतात आणि त्वचा तजेलदार राहते.
हळदीचे अँटी-बॅक्टेरियल आणि अँटी-इंफ्लेमेटरी गुणधर्म शरीराला संसर्गांपासून वाचवतात.
बदलत्या हवामानात सर्दी, ताप, घसा खवखवणे यांसारख्या समस्या कमी होतात.
नियमित सेवनाने शरीराची नैसर्गिक इम्युनिटी मजबूत राहते.
सकाळी उठल्यानंतर कोमट पाण्यात अर्धा चमचा हळद टाकून प्या.
हवे असल्यास त्यात थोडंसं लिंबाचा रस किंवा मधही टाकू शकता.
नियमित पिण्यापूर्वी तुमच्या डॉक्टरांचा सल्ला घ्यावा, विशेषतः जर तुम्हाला एखादा आजार असेल किंवा औषधे सुरू असतील तर.
