दीर्घकाळ बसण्यामुळे पाठ आणि मानदुखी वाढते.
चुकीची बसण्याची पद्धत ही मुख्य कारणांपैकी एक आहे.
दररोज ५ मिनिटे भुजंगासन केल्यास आराम मिळू शकतो.
हे आसन पाठीचा कणा लवचिक ठेवते आणि स्नायूंना बळकट करते.
तीव्र वेदना असल्यास डॉक्टरांचा सल्ला आवश्यक आहे.
सतत ऑफिसमध्ये बसून काम करणे ही आजच्या जीवनशैलीचा भाग झाली आहे. तासन्तास संगणकासमोर बसल्यामुळे पाठदुखी, मानदुखी आणि खांद्यात ताण येणे या समस्या सामान्य झाल्या आहेत. अनेकांना तर मान थोडी जरी फिरवली तरी वेदना जाणवतात. सुरुवातीला किरकोळ वाटणारा हा त्रास पुढे गंभीर स्वरूप धारण करू शकतो.
तज्ज्ञांच्या मते, चुकीची बसण्याची पद्धत आणि एकाच स्थितीत दीर्घकाळ बसणे हे या समस्येचे मुख्य कारण आहे. मात्र दररोज फक्त 5 मिनिटे एक सोपे योगासन केल्यास मोठा फरक जाणवू शकतो.
हे आसन म्हणजे भुजंगासन. हे आसन पाठीचा कणा लवचिक ठेवते, मान आणि खांद्यावरील ताण कमी करते आणि शरीराची बैठक सुधारण्यास मदत करते.
सुरुवातीला पोटावर झोपा.
दोन्ही पाय सरळ ठेवा आणि तळहात छातीच्या दोन्ही बाजूंना जमिनीवर ठेवा.
आता हळूहळू श्वास घेत वरचा भाग उचला.
कंबर जमिनीवरच राहू द्या.
मान हलकेच मागे न्या आणि काही सेकंद या स्थितीत थांबा.
नंतर श्वास सोडत पुन्हा पूर्वस्थितीत या. हे ४ ते ५ वेळा करा.
या आसनामुळे पाठीच्या स्नायूंना बळकटी मिळते. मान आणि खांद्यावरील ताण कमी होतो. दीर्घकाळ बसून काम करणाऱ्यांसाठी हे परिणामकारक आहे.
तथापि, जर तीव्र वेदना, चक्कर येणे किंवा जुनी दुखापत असेल तर डॉक्टरांचा सल्ला घेऊनच व्यायाम सुरू करावा.
दररोज फक्त 5 मिनिटे स्वतःसाठी दिल्यास पाठीचा आणि मानेचा त्रास मोठ्या प्रमाणात कमी होऊ शकतो. ऑफिसची खुर्ची तुमची शत्रू न बनता, आरोग्यदायी सवयींनी तुमचा दिवस अधिक चांगला होऊ शकतो.
