२०१९ च्या लोकसभा निवडणुकीत हंसराज अहिर यांचा काँग्रेसच्या बाळू धानोरकरांनी पराभव केला होता. त्या लोकसभा निवडणुकीत महाराष्ट्रातुन निवडून आलेली काँग्रेसची एकमेव जागा होती. दरम्यान, काही दिवसांपूर्वी बाळू धानोरकर यांचे निधन झाले. त्यांच्या निधनानंतर या ठिकाणी पोटनिवडणूक झाली नाही. आगामी लोकसभा निवडणुकीत चंद्रपूर लोकसभा मतदारसंघातून काँग्रेसकडून बाळू धानोरकर यांच्या पत्नी आमदार प्रतिभा धानोरकर यांचे नाव चर्चेत आहे. सोबतच विजय वडेट्टीवार, त्यांच्या कन्या शिवानी वडेट्टीवार यांचेही नाव चर्चेत आहे. तर भाजपकडून या ठिकाणी माजी केंद्रीय मंत्री हंसराज अहिर किंवा महाराष्ट्र सरकारमधील मंत्री सुधीर मुनगंटीवार यांना मैदानात उतरवले जाऊ शकते.