Vistara Flight Bomb Threat : दिल्ली विमानतळावर विस्ताराच्या दिल्ली-पुणे विमानाला बॉम्बने उडवण्याची धमकी

राजधानी दिल्लीवरून पुण्याच्या दिशेने निघालेल्या विमानात बॉम्ब ठेवल्याचा फोन आल्यानंतर इंदिरा गांधी आंतरराष्ट्रीय विमानतळावर एकच खळबळ उडाली. तात्काळ विमानाला सुरक्षा तपासणीसाठी विलगिकरणात नेण्यात आले. सर्व प्रवाशांना सुखरूपरित्या विमानातून खाली उतरवण्यात आले. शुक्रवारी सकाळी ७ वाजून ४५ मिनिटांनी जीएमआर कॉल सेंटरवर दिल्लीवरून पुण्याला उड्डाण घेणाऱ्या विमानात बॉम्ब असल्याचा कॉल आल्यानंतर सुरक्षा एजेन्सी सतर्क झाल्या.

सुरक्षा यंत्रणेच्या अधिकाऱ्यांनी दिलेल्या माहितीनुसार विस्तारा एअर लाईनचे 'यूके-९७१' हे विमान दिल्लीच्या आयजीआय विमानतळावरून पुण्याच्या दिशेने उड्डाणासाठी तयार असतानाच गुरूग्राम येथील जीएमआर कॉल सेंटरमध्ये या विमानात बॉम्ब असल्याची सूचना मिळाली. विमानातून १०० हून अधिक प्रवासी प्रवास करीत होते.