![ठाणे : दसऱ्याच्या मेळाव्यांसाठी डोंबिवलीत बॅनरवॉर](http://media.assettype.com/pudhari%2Fimport%2Fwp-content%2Fuploads%2F2023%2F10%2FThane-7.jpg?w=480&auto=format%2Ccompress&fit=max)
डोंबिवली; पुढारी वृत्तसेवा : शिवसेनेत उभी फूट पडून झालेल्या सत्तासंघर्षानंतर ठाकरे पक्ष आणि शिंदे गट यांच्यामध्ये आरोप-प्रत्यारोपांच्या फैरी झडत आहेत. त्यातच दसरा मेळाव्याच्या माध्यमातून शिवसेनेचा शिंदे गट आणि ठाकरे गटाने आपापले शक्तीप्रदर्शन चव्हाट्यावर मांडले आहे. डोंबिवलीमध्ये तर एकच चौकात आजूबाजूला बॅनरबाजी करत दोन्ही गटाने आपली ताकद दाखवण्याचा प्रयत्न केला आहे. या बॅनर्सवर छापण्यात आलेल्या छब्या पाहून दोन्ही शिवसेनांतील शक्तिशाली नेता कोण ? शिंदे की ठाकरे ? असा परखड सवाल बॅनर वाचक डोंबिवलीकरांकडून उपस्थीत करण्यात येत आहे.