संजय सिंह यांना मंगळवारी सर्वोच्च न्यायालयाने जामीन मंजूर केला, त्यानंतर केंद्रीय तपास यंत्रणेने त्यांना जामीन मिळण्यास कोणताही आक्षेप नसल्याचे म्हटले होते. संजय सिंह यांची सुटका झाल्यानंतर तिथे जमलेल्या कार्यकर्त्यांना उद्देशून संजय सिंह म्हणाले की, "ही वेळ संघर्ष करण्याची आहे. आमच्या पक्षाचे नेते अरविंद केजरीवाल, मनीष सिसोदिया आणि सत्येंद्र जैन यांना तुरुंगात डांबण्यात आले आहे. मला विश्वास आहे की एक दिवस या कारागृहातुन ते बाहेर येतील. म्हणून संघर्ष करण्याची ही वेळ आहे." असेही ते म्हणाले.