पुढारी ऑनलाईन : प्रत्येक महिन्याच्या पहिल्या दिवशी देशात अनेक बदल होतात. 1 मार्च 2024 पासून काही नियमही बदलले आहेत. ज्याचा तुमच्या स्वयंपाकघरातील बजेटपासून ते रस्त्यावर गाडी चालवण्यापर्यंत संबंधित आहे. म्हणजेच या बदलांचा थेट परिणाम सर्वसामान्यांवर होणार आहे. या अंतर्गत, पहिल्या तारखेपासून एलपीजी सिलेंडरच्या किमतीत वाढ होत असतानाच, फास्टॅग केवायसीची शेवटची तारीख संपली आहे. आजपासून देशात आणखी काय बदल झाले आहेत, ज्याचा तुमच्या आर्थिक आरोग्यावर कसा परिणाम होऊ शकतो ते पाहुयात.
दर महिन्याच्या पहिल्या दिवशी तेल विपणन कंपन्या एलपीजी गॅस सिलिंडरच्या किमतीत बदल करतात आणि १ मार्चपासून कंपन्यांनी पुन्हा एकदा १९ किलोच्या व्यावसायिक गॅस सिलिंडरच्या किमतीत वाढ केली आहे. म्हणजेच मार्चच्या पहिल्याच दिवशी महागाईचा जोरदार धक्का बसला आहे. सलग दुसऱ्या महिन्यात १९ किलोच्या व्यावसायिक गॅस सिलिंडरच्या दरात वाढ करण्यात आली आहे. यामध्ये आजपासून २५ रुपयांची वाढ झाली आहे. दिल्लीत १९ किलोच्या व्यावसायिक एलपीजी सिलिंडरची किरकोळ किंमत रु. १७९५ प्रति सिलेंडर आहे.
1 मार्चपासून देशात दुसरा बदल रस्त्यावरून वाहन चालवणाऱ्यांसाठी आहे. वास्तविक, भारतीय राष्ट्रीय महामार्ग प्राधिकरण (NHAI) ने FASTag KYC अपडेट करण्यासाठी 29 फेब्रुवारी ही अंतिम तारीख निश्चित केली होती आणि ही मुदत संपली आहे. ही शेवटची तारीख वाढवण्याबाबत कोणतीही सूचना आलेली नाही. म्हणजेच, NHAI फास्टॅग केवायसी अपडेटसाठी अंतिम मुदत वाढवते की नाही किंवा केवायसी प्रक्रिया पूर्ण न झाल्यास, ते निष्क्रिय केले जाऊ शकते आणि भारतीय राष्ट्रीय महामार्ग प्राधिकरणांद्वारे काळ्या यादीत टाकले जाऊ शकते, मात्र यावर अद्याप सस्पेंस कायम आहे.
1 मार्च 2024 पासून जीएसटीच्या नियमांमध्ये मोठे बदल होणार असल्याचे केंद्र सरकारकडून सांगण्यात आले. या अंतर्गत आता 5 कोटी रुपयांपेक्षा जास्त उलाढाल असलेल्या व्यापाऱ्यांना ई-इनव्हॉइसशिवाय ई-वे बिल जारी करता येणार नाही. सोप्या भाषेत सांगायचे तर, ज्या व्यवसायांची वार्षिक उलाढाल रु. 5 कोटींपेक्षा जास्त आहे ते सर्व B2B व्यवहारांसाठी ई-इनव्हॉइस तपशील समाविष्ट केल्याशिवाय ई-वे बिल जारी करू शकणार नाहीत. जीएसटी प्रणाली अंतर्गत, एका राज्यातून दुसऱ्या राज्यात 50,000 रुपयांपेक्षा जास्त किमतीचा माल पाठवण्यासाठी ई-वे बिल आवश्यक आहे.
मार्च महिना सुरू झाला आहे आणि या महिन्यात SBI क्रेडिट कार्ड वापरकर्त्यांसाठी आणखी एक मोठा बदल होणार आहे. देशातील सर्वात मोठी सरकारी बँक स्टेट बँक ऑफ इंडिया (SBI) ने आपल्या क्रेडिट कार्डचे नियम बदलण्याचा निर्णय घेतला आहे. या महिन्याच्या १५ मार्चपासून हे नवे नियम लागू होतील. या अंतर्गत, SBI आपल्या किमान दिवसाच्या बिल गणनाच्या नियमांमध्ये बदल करणार आहे. तथापि, त्याची तपशीलवार माहिती एसबीआयद्वारे वापरकर्त्यांना मेलद्वारे दिली जाईल.
फेब्रुवारी महिना संपला आणि सणासुदीने भरलेला मार्च (मार्च 2024) सुरू झाला. या महिन्यात बँकांमध्ये जाणाऱ्या लोकांसाठी एक मोठी बातमी आहे की, संपूर्ण मार्च महिन्यात 14 दिवस बँकांमध्ये कोणतेही काम होणार नाही. म्हणजेच बँकेला सुट्टी असेल. अशा परिस्थितीत, जर तुम्हाला पुढील महिन्यात बँकेशी संबंधित कोणतेही महत्त्वाचे काम असेल, तर आरबीआयने जारी केलेली बँक हॉलिडे इन मार्च लिस्ट पाहून घराबाहेर पडा. वास्तविक, या महिन्यात महाशिवरात्रीपासून होळी आणि गुड फ्रायडेपर्यंत सर्व प्रसंगी बँका बंद राहतील.
हेही वाचा :
