मराठमोळ्या नथ आणि नऊवारी साडीची दिल्लीकरांना भुरळ!

दिल्ली मराठी प्रतिष्ठानच्या सोनाली पाठक, नेहा पाणसे, अर्चना अकोटकर, योगिता कानफाडे, मनिषा घाटे यांनी नऊवारी साडी, नथ आणि भरजरी शेला अशा खास मराठमोळया पेहरावातुन महाराष्ट्राच्या संस्कृतीचे दर्शन घडवले. या प्रदर्शनात वेगवेगळ्या राज्यांची परिधान संस्कृती दर्शविणारे दालने तयार करण्यात आली होती. त्यात महाराष्ट्र, राजस्थान आणि गुजरात या राज्यांचे एकत्रित सादरीकरण होते. आलेल्या प्रेक्षकांमध्ये मराठी पेहरावातील नथ आणि नऊवारी साडीचे वैशिष्ट्ये याबाबत विशेष कुतुहल दिसुन आल्याचे सोनाली पाठक यांनी पुढारीशी बोलताना सांगितले.