नवी दिल्ली; पुढारी वृत्तसेवा : वरिष्ठ न्यायालयांमधील न्यायमूर्तींच्या नियुक्त्यांसाठीच्या कॉलिजियम पध्दतीवर मागील काही काळापासून प्रश्नचिन्ह उपस्थित करीत असलेल्या किरेन रिजिजू यांना केंद्रीय कायदा मंत्रीपदावरुन हटविण्यात आले आहे. पंतप्रधान नरेंद्र मोदी यांनी ही जबाबदारी अर्जुनराम मेघवाल यांच्याकडे दिली आहे. राज्यमंत्री [स्वतंत्र कार्यभार] म्हणून मेघवाल ही जबाबदारी स्वीकारतील. दरम्यान रिजिजू यांच्याकडे भू विज्ञान मंत्रालय हे खाते देण्यात आले आहे.