![Indian Embassy : भारतीय नागरिकाचा रशियामध्ये मृत्यू; भारतीय दूतावास](http://media.assettype.com/pudhari%2Fimport%2Fwp-content%2Fuploads%2F2024%2F03%2FIndian-Younger.jpg?w=480&auto=format%2Ccompress&fit=max)
पुढारी ऑनलाईन डेस्क : रशियामध्ये एका भारतीय नागरिकाचा मृत्यू झाला असून अधिकारी त्याचे पार्थिव मायदेशी पाठवण्यासाठी प्रयत्न करत आहेत, अशी घोषणा येथील भारतीय मिशनने बुधवारी केली. रशियामधील भारतीय दूतावासाने मृत व्यक्तीची ओळख मोहम्मद असफान म्हणून केली आहे, परंतु त्याच्या मृत्यूच्या परिस्थितीबद्दल कोणतीही माहिती दिली नाही.
भारतीय दूतावासाने याबाबत माहिती देणारी X वर पोस्ट केली आहे. यामध्ये म्हटले आहे की, आम्हाला भारतीय नागरिक मोहम्मद अस्फान यांच्या दुःखद मृत्यूबद्दल समजले आहे. आम्ही मृत नागरिकाचे कुटुंब आणि रशियन अधिकाऱ्यांच्या संपर्कात आहोत. आमची टीम त्यांचे पार्थिव भारतात पाठवण्यासाठी प्रयत्न करेल अशी माहिती या एक्स पोस्टद्वारे देण्यात आली आहे.
मीडिया रिपोर्ट्सनुसार, हा भारतीय तरुण रशियन सैन्यात सुरक्षा सहाय्यक म्हणून भरती झाला होता. अनेक भारतीयांना काही भागात रशियन सैनिकांशी लढण्यास भाग पाडले गेले असल्याची माहिती देण्यात आली.