मानखुर्द ; पुढारी वृत्तसेवा मानखुर्द मध्ये एक चीड आणणारी घटना समोर आली आहे. एका (६४ वर्षीय) अनोळखी महिलेला घरी नेवून तिच्यावर बलात्कार करीत मारहाण केल्याची घटना समोर आली आहे. या प्रकरणी नराधमाला ट्रॉम्बे पोलिसांनी अटक केली आहे. उमेश गुलाबराव ढोक (वय ३८) असे अटक केलेल्या संशयीत आरोपीचे नाव आहे.
दोन दिवसांपूर्वी कुर्ला येथे एका धार्मिक कार्यक्रमाच्यावेळी ही महिला आणि संशयीत आरोपी भेटले. तिथे त्यांची ओळख झाली. घरी सोडतो असे सांगून त्याने या महिलेला मानखुर्द महाराष्ट्र नगर येथे नेले. तिथे तिच्यावर बलात्कार करुन मारहाण करीत राहिला. सकाळी तिला विवस्त्र अवस्थेत घराबाहेर फेकून दिले आणि पळून गेला.
स्थानिकांनी जखमी महिलेची माहिती पोलिसांना दिली. ट्रॉबे पोलीस घटनास्थळी दाखल झाले. त्यानी जखमी महिलेला राजावाडी रुग्णालयात उपचारासाठी दाखल केले. तिने दिलेल्या जबाबावरून संशयीत आरोपी उमेश ढोक याला मानखुर्द मधूनच शोधून अटक केली असून, आज त्याला न्यायालयात हजर करण्यात येणार आहे.
हेही वाचा :