Kerala women found dead in California apartment: केरळमधील वेगवेगळ्या भागातील तीन महिला या अमेरिकेतील कॅलिफोर्निया येथे एका अपार्टमेंटमध्ये एकत्र रहात होत्या. त्या तिघी देखील एकमेकींना जवळून ओळखत होत्या. गेल्या आठवड्यात त्यांनी एकत्र ओनम साजरा केला होता. दोन दिवसांनी तिघींपैकी एकीचा मृतदेह अपार्टमेंटच्या पार्किंगमध्ये आणि दुसरीचा मृतदेह हा फ्लॅटमध्ये आढळून आला. तिसऱ्या मैत्रिणीला पोलिसांनी ताब्यात घेतलं असून तिच्यावर दोघींपैकी एकीच्या मृत्यूला जबाबदार असल्याचा आरोप ठेवण्यात आला आहे.
कॅलिफोर्नियामधील मिलपिटासमध्ये ही घटना २८ ऑगस्ट रोजी झाल्याचे वृत्त आहे. यात दोन महिलांचा मृत्यू झाला असून दोन्ही महिलांच्या कुटुंबीयांना हो मोठा धक्का बसला आहे. या घटनेमागे नेमका उद्येश काय होता हे अजून समजलेलं नाही. पोलिसांकडून देखील दोन्ही मृत महिलांची ओळख सांगण्यात आलेली नाही.
मात्र केळमध्ये पोहचलेल्या माहितीनुसार मृत महिलांमध्ये ३५ वर्षाच्या अंजना हरी आणि ४० वर्षाच्या अॅन मॅरी मॅथ्यू यांचा समावेश आहे. अंजना त्रिशूरच्या होत्या तर मॅथ्यू या मुळच्या तिरूवअनंतपुरमच्या होत्या. त्यांची मैत्रिण ३२ वर्षाच्या अनिला यांना पोलिसांनी अटक केली आहे. त्यांचे अंजनाच्या मृत्यूशी कनेक्शन असल्याचं सांगितलं जात आहे.
