Cambodia Thailand ceasefire US China mediation
बँकॉक/नोम पेन्ह : कंबोडिया आणि थायलंडदरम्यान गेल्या काही दिवसांपासून सुरू असलेल्या सीमा संघर्षावर आता युद्धविराम जाहीर करण्यात आला आहे. कंबोडियाचे पंतप्रधान हुन मानेट, थायलंडचे कार्यवाहक पंतप्रधान फुमथम वेचायाचाई, तसेच मलेशियाचे पंतप्रधान अनवर इब्राहिम यांच्या उपस्थितीत हा निर्णय घेण्यात आला. मलेशियाची राजधानी कुआलालंपूर येथे पार पडलेल्या बैठकीत युद्धविरामावर एकमत झाले.
या युद्धविरामासाठी अमेरिका आणि चीन यांनी पुढाकार घेतला. ASEAN अध्यक्षपद सध्या मलेशियाकडे असल्याने, मलेशियाने दोन्ही देशांना चर्चा करण्यासाठी एकत्र आणले. चर्चा पूर्ण झाल्यानंतर तिन्ही देशांच्या प्रमुखांनी एकत्रितपणे पत्रकार परिषद घेतली.
या संघर्षात आतापर्यंत 33 लोकांचा मृत्यू झाला आहे. त्यामध्ये 20 थायलंडमधील (14 नागरिक, 6 सैनिक) आणि 13 कंबोडियामधील (8 नागरिक, 5 सैनिक) नागरिकांचा समावेश आहे. या संघर्षात 71 हून अधिक जखमी झाले आहेत.
अमेरिकेचे माजी राष्ट्राध्यक्ष डोनाल्ड ट्रम्प यांनी म्हटले की, "कंबोडिया-थायलंड संघर्ष थांबवणे हे माझ्यासाठी सोपे आहे, कारण मी यापूर्वी भारत-पाकिस्तान यांच्यातील तणावही सोडवला आहे." ट्रम्प यांनी दोन्ही देशांच्या नेत्यांशी बोलून व्यापार करार थांबवण्याची धमकी दिली होती. त्यानंतर युद्धविरामासाठी दोन्ही देश तयार झाले, असे ट्रम्प यांनी म्हटले.
या संघर्षाचे मूळ कारण म्हणजे एक हजार वर्षे जुनी दोन शिव मंदिरे, जी दोन्ही देशांच्या सीमारेषेवर आहेत. या प्राचीन वास्तूंवर हक्क सांगताना, दोन्ही देशांमध्ये युद्धजन्य परिस्थिती निर्माण झाली होती.
कंबोडियाने थायलंडवर जाणीवपूर्वक त्यांच्या सार्वभौमत्वाचा भंग केल्याचा आरोप केला आहे. कंबोडियाचे म्हणणे आहे की, 24 जुलै रोजी रात्री सीजफायरवर सहमती झाली होती, परंतु त्यानंतर अवघ्या एका तासात थायलंडने आपली भूमिका बदलली.
संयुक्त राष्ट्र सुरक्षा परिषदेत आपत्कालीन बैठक बोलावण्यात आली असून, कंबोडियाने जंग थांबवण्याची मागणी केली आहे. थायलंडच्या राजदूतांनी या बैठकीत कंबोडियावर सीमारेषेवर स्फोटके आणि बारूदी सुरंगे लावल्याचा आरोप केला आहे. थायलंडचे म्हणणे आहे की संघर्षाची सुरुवात कंबोडियाने केली.
