नवी दिल्ली : गेल्या काही दिवसांपासून सोशल मीडियावर एक नवीन ट्रेंड पाहायला मिळत आहे. एआय (AI) च्या मदतीने रेट्रो साडीचे फोटो तयार करण्याचा सध्या ट्रेंड आहे. Google च्या Gemini AI Nano Banana इमेज टूलमुळे, सोशल मीडियावर अनेक सुंदर रेट्रो साडी एडिट्सची धूम आहे.
हे फोटो म्हणजे शिफॉन साड्या, सेपिया बॅकग्राऊंडवरील पोल्का डॉट्स किंवा काळ्या रंगाच्या साड्या, हे सारे फक्त काही सेकंदात तयार होते. या फोटोंची सर्वात चांगली गोष्ट म्हणजे, तुम्हाला हे तयार करण्यासाठी एडिटर किंवा डिझायनर असण्याची गरज नाही. काही सोप्या स्टेप्स फॉलो करून, कुणीही एआयच्या मदतीने स्वतःला रेखा, हेमा मालिनी किंवा श्रीदेवीसारखी बनवू शकते.
साडी ही केवळ वस्त्र नाही, ती एक आठवण असते. अनेकदा ती आपली ओळखसुद्धा असते. पिढ्यानपिढ्या साडीने स्त्रीचे सौंदर्य आणि सामर्थ्य दर्शवले आहे. हे एआयने तयार केलेले फोटो नवीन काहीच करत नाहीत, तर ते जुन्या काळातील साडीच्या सौंदर्याला आजच्या पिढीसाठी नव्या रूपात तयार करून देते.
शिफॉन साडीचा हा अनोखा ट्रेंड, तसेच हँडलूम सिल्क साडीचा १९७० च्या दशकातील सेपिया फोटो आपल्याला आठवण करून देतो की साडी ही काळाच्या आणि ट्रेंडच्या पलीकडची आहे. म्हणूनच, हे एआय-जनरेटेड रेट्रो साडीचे फोटो इतके व्हायरल होत आहेत. ते आजच्या Gen Z आणि Millennials ला भूतकाळातील ग्लॅमरमध्ये घेऊन जातात.
Google चे Gemini AI Nano Banana इमेज टूल वापरण्यास खूप सोपे आहे. खालील सोप्या स्टेप्स फॉलो करा:
स्टेप १: तुमच्या फोन किंवा डेस्कटॉपवर Gemini AI इंटरफेस उघडा. त्यामध्ये Nano Banana इमेज फिचर निवडा.
स्टेप २: तुमचा एक फोटो अपलोड करा. फोटो स्पष्ट आणि चांगल्या प्रकाशात काढलेला असावा. साधा बॅकग्राऊंड असल्यास उत्तम.
स्टेप ३: प्रॉम्प्ट बॉक्समध्ये तुम्हाला काय पाहिजे ते लिहा. उदाहरणार्थ: "Retro 70s Bollywood style, chiffon saree in pastel pink, soft golden light, vintage photo look."
स्टेप ४: ‘जनरेट’ वर क्लिक करा आणि काही सेकंद थांबा.
स्टेप ५: जोपर्यंत तुम्हाला योग्य परिणाम मिळत नाही, तोपर्यंत फोटो सेव्ह करा, सुधारणा करा किंवा पुन्हा जनरेट करा.
बॉलीवूड ड्रीम : यश चोप्रांच्या हिरोइन्सप्रमाणे शिफॉन साड्या, धुक्यातील पर्वत किंवा फुलांच्या बागा.
पोल्का डॉट क्लासिक : ६०-७० च्या दशकातील ठळक प्रिंट्स, मोठे चष्मे आणि नाट्यमय आयलाइनर.
ओल्ड मनी एलिगन्स : जड रेशमी साड्या, सेपिया टोन आणि राजघराण्याच्या स्टाईलचे पोर्ट्रेट्स.
द डिस्को ग्लॅमर : चमकदार सॅटिन, इलेक्ट्रिक ब्लू किंवा मेटॅलिक सिल्व्हरसारखे गडद रंग आणि ८० च्या दशकातील हेअरस्टाईल.
एव्हरीडे नॉस्टॅल्जिया : जुन्या किचन किंवा बैठकीच्या खोलीत साध्या सुती साड्या.
हा ट्रेंड फक्त सेलिब्रिटी किंवा इन्फ्लुएन्सर्ससाठी नाही. कोणालाही आपली कल्पना वापरून फोटो रेट्रो साडी लूकमध्ये रूपांतरित करता येतो.
